Испанийн “Атлетико Мадрид”-д очоод эхний гоолоо оруулаад амжсан Конор Галлахер өөрийгөө аль нэг багт гологдохооргүй хүсэмжит тоглогч мөн гэж бодож буйгаа ярьжээ. Английн “Челси”-гийн буюу хуучин багийнх нь дасгалжуулагч Энцо Мареска түүнийг гараанд гаргахааргүй тоглогч гэж хэлснээс энэ яриа үүдэн гарсаар байгаа юм.
“Би одоо ч өөрийгөө хүсэмжит, үнэ цэнэт хөлбөмбөгч хэвээрээ байгаа гэдгээ мэдэрч байна. Хөлбөмбөгчид энэ их чухал. “Челси” бол маш том клуб. Дэлхийн хамгийн том клубүүдийн нэг. Үүгээрээ “Атлетико Мадрид”-тай дүйнэ. Гэхдээ миний хувьд Аваргуудын лигт тоглохын тулд маш сонирхолтой алхам хийсэн. Цом өргөхийн тулд шийдсэн алхам хийсэн. Үүндээ ч өөрөө баяртай яваа. “Челси”-гийн талаар эргээд бодоход надад бахархах сэтгэл төрдөг. Тэр том клубт тоглож, ахлагч нь явлаа. Гэвч бүхнийг өөрчлөх цаг ирж, би өөртөө төгс сонголт хийж “Атлетико”-д ирсэн. Зөв алхам хийсэн гэдгээ ч мэдэрч байна” хэмээн Галлахер өгүүлжээ.
Tumen.mn
