Жэйлэн Брансоныг их том амжилтад хүрэх боломжтой гэдэгт дасгалжуулагч Том Тибодо итгэдгээ ярьжээ. “Брансоны хамгийн чухал нэг зүйл бол дунд сургууль, их сургууль, лиг гээд замналынхаа туршид үргэлж сайжирсан. Ер нь спортзааланд л амьдардаг хүн шүү дээ. Манайд ийм амьдралтай залуус байна аа. Ингэж донтож бэлтгэл хийж байж л үр дүнд хүрнэ гэдгээ ойлгочихсон байхгүй юу. Зөвхөн хувь тоглогчийн өсөн дэвжилтийн тухай бус багаараа сайжрах, сайн тоглох тухайд яригдаж байгаа хэрэг. Брансон сууриа их сайн тавьсан залуу. Хэдийгээр биеийн тамир, өгөгдөл сайтай ч гэлээ зөвхөн атлетик чанарт шүтдэггүй. Маш хурдан сэтгэж, тоглолтыг хэрхэн эргүүлэх, хэрхэн зөв хөтөлж явахаа мэддэг. Шидэлтийн цэгээ сайн мэдэрнэ. Хурдаа нэмж хасаад хууралтаараа аргалчихна. Өрсөлдөгчийнхөө тэнцвэрийг алдагдуулаад хүссэн цэгтээ хүрчихнэ. Өрсөлдөгчийнхөө толгойг сайн эргүүлнэ. Сул орон зайг сайн мэдэрнэ. Тоглолтыг сайн уншина, будагтай талбайд сайн тоглоно” хэмээн “Никс”-ийн дасгалжуулагч Тибодо ярьсан байна.

Tumen.mn