Энэ мэдээ хуучирсан буюу 2015/04/12-нд нийтлэгдсэн мэдээ болно.

С.Баяр “Би яс шалгуулна” гэв

Ерөнхий сайд асан С.Баярын талаар дуулиант мэдээллүүд үе үе хүчтэй цацагддаг. Хамгийн сүүлд УИХ-ын гишүүн Г.Уянга түүний Америк дахь долоон хаусын талаар мэдээлсэн юм. С.Баярынх гэсэн “шошготой” тиймэрхүү хаусын тухай өнгөрсөн онд ч мөн  зарим хэвлэлүүд шуугиан тарьж байлаа. Харин С.Баяр “цензүүргүй яриа” нэвтрүүлэгт орохдоо үүнийг няцааж “Надад гадаадад ямар ч хаус байхгүй” гэж байв. Гэвч Г.Уянгын нэр дээр “Голомт” төрийн бус байгууллага, түүний сайтаар дамжуулан илгээсэн мэдээлэлд С.Баярын хаусын тоо  нэг биш бүр долоо болж орхисон юм. Г.Уянга үүнийг  нягталж үзээд “Үнэн байх магадлалтай. С.Баяр Оюу толгойн гэрээ батлагдсаны дараахан ажлаа өгөөд Америк руу гэнэт яваад өгсөн. Тэр Оюу толгойн ашиггүй гэрээг хийлгэснийхээ төлөө ийм хэмжээний авлига авсан байж болзошгүй” гэсэн. Гэтэл С.Баяр дахиад няцаалт хийв.  Тэрбээр одоо Герман улсад загас үржүүлгийн бизнесийн ажлаар яваа бөгөөд “Өнөөдөр” сонины сэтгүүлчтэй  цахимаар холбогдож, асуултанд хариулахдаа “Надад Америк, өөр яль нэг улсад эзэмшдэг байшин нэг ч байхгүй. Тэвчээртэй байхыг хичээж,  муу хэлүүлж хэдэн жил явлаа. Одоо болсон байлгүй. Тэр олон байр савны  асуудлыг яс шалгуулна. Хүсэлт өргөдлөө цаасан дээр буулгаж явна” гэжээ.

Б.Баяр 

Эх сурвалж: Tumen.mn

Хулгай хийсэн Монгол залуусын нэрийг зарлалаа
Хулгай хийсэн Монгол залуусын нэрийг зарлалаа
 
Н.Учрал: Технологийн дэвшил ашиглан дуу хоолойгоо хүргэж байна
Н.Учрал: Технологийн дэвшил ашиглан дуу хоолойгоо хүргэж байна
Энэ мэдээ хуучирсан буюу 2015/04/12-нд нийтлэгдсэн мэдээ болно.