Сүүлийн жилүүдэд манай улсад хүнсний аюулгүй байдал гэдэг зүйл дээд зэргээр хөндөгдөж алхам тутамд муудсан хүнсний бүтээгдэхүүн худалдаалагдах болсон. Тэр дундаа эрүүл, баталгаат хүнс гэж өдөр шөнөгүй рекламддаг томоохон супермаркетууд хүнсний аюулгүй байдлыг ихээр зөрчиж байна.  Эдгээр супермаркетуудын нэгэн төлөөлөл нь “Миний сүлжээ” дэлгүүрийнхэн.

Тус дэлгүүрүүдтэй холбоотой хэл ам тасарна гэж үгүй. Одоохондоо ч хүн хордож энээ тэрээ боллоо гэсэн сүйдтэй асуудал сөхөгдөөгүй  байна, хэрвээ гарчихвал нэг их гайхаад сандраад байх зүйлгүй мэт.

Учир нь энэ сүлжээ дэлгүүрийн салбар дэлгүүрүүдээс үүдсэн хэл ам байсхийгээд гардаг, сүүлдээ нэг их анхаарлын сэдэв биш болж. Гэхдээ хүний эрүүл мэнд, хүнсний аюулгүй байдлыг зөрчсөн эл асуудлыг сөхөхгүй өнгөрч боломгүй. Учир нь энэ сүлжээ дэлгүүртэй холбоотой бас нэгэн ноцтой мэдээ гарах нь тэр.

Улмаар нэгэн хэрэглэгч “Миний хапермаркет”-н буфетнээс 15000 төгрөгөөр  бууз, хуушуур, салат аваад гэртээ очоод идэх гэтэл хуушуурнууд нь өмхийрөөд  үнэр орчихсон, буузнууд нь хөгцөрчихсөн байж. Ингээд уур нь хүрсэн үйлчүүлэгч буцаж очин хуушуур, буузнуудыг нь үзүүлтэл тус дэлгүүрийнхэн түүнд үл тоосон байдалтай ханджээ.

Түүгээр ч үл барам “сүртэй юм бэ, юундаа ингэтлээ уурладаг юм, хүний муу үзэх гэлээ, “наадахыг чинь бид нар хийдэггүй өөр цехээс ирдэг. Шалгадаг хүн нь буусан байна” хэмээн уурласан гэнэ.

Мөн нэг ч ажилчин нь үйлчлүүлэгчээс уучлал гуйгаагүй байна.  Энэ мэт жишээнээс харахад “Миний хапермаркет”-нхан иргэдийг хохироож дуусахгүй нь бололтой.  

Хүнсний сүлжээ дэлгүүрүүдээс монголдоо томоохонд тооцогддог тус дэлгүүрийнхэн ард түмний эрүүл мэндээр даажигнаж байхад хэндээ итгэж хаанаасаа баталгаат хүнс авах ёстойг мэдэхгүй байна.

Байнга хэл ам гомдол тасардаггүй “миний сүлжээ” дэлгүүрийг хянаж шалгах ёстой холбогдох байгууллагууд нь анхааралдаа авахгүй бол “ХЭРЭГЛЭГЧИЙН ЭРХ АШИГ”  хөндөгдсөөр байх нь.

Bolod.mn  У.Сайхан