Энэ мэдээ хуучирсан буюу 2015/03/12-нд нийтлэгдсэн мэдээ болно.

Сууц өмчлөгчдийн холбооны дээд зөвлөлийнхөн “ШӨХТГ-аас биднийг гүтгэж байна” гэв

Сууц өмчлөгчдийн холбооны дээд зөвлөлийнхөн мэдээлэл хийлээ. Сүүлийн хоёр жил шахам мэдээллийн хэрэгслүүдээр тус төрийн бус байгууллагын талаар таагүй мэдээлэл цацагдсан. Хамгийн сүүлд ШӨХТГ-аас тус байгууллагыг татан буулгах талаар мэдэгдсэн билээ. Харин Сууц өмчлөгчдийн холбооны дээд зөвлөл үүнийг нь эсэргүүцэж байгаа аж.

Сууц өмчлөгчдийн холбооны дээд зөвлөлийг ШӨХТГ-ын зүгээр урьд нь шүүхэд өгч, эцэст нь эвлэрлийн гэрээ байгуулжээ. Эвлэрлийн гэрээний заалтыг зөрчөөгүй гэж  дээд зөвлөл үзэж буй аж. Төрийн бус байгууллагын тухай хуулийн дагуу үйл ажиллагаагаа явуулсаар байгаа гэж байна. Тус байгууллагын гүйцэтгэх захирал Цэрэндорж “Манай байгууллагыг төр засгаас байгуулаагүй. Бид гишүүдийн сайн дурын үндсэн дээр нэгдсэн. Гишүүдийнхээ татвар хандиваар үйл ажиллагаа явуулдаг. Гэтэл сүүлийн үед улс төрийн зорилгоор, захиалгат гүтгэлгүүдийг хийх боллоо. Дээд зөвлөлийг тараах, татан буулгах тухай ч ярьж байна. Энэ оны 3 дугаар сарын 4-ний өдөр Өглөөний сонины сэтгүүлч Саруулын бичсэн “Сууц өмчлөгчдийн холбооны дээд зөвлөл хууль бусаар авсан 568.5 сая төгрөгийг иргэдэд буцаан олгоно” гэсэн нийтлэлийг зарим сайтууд авч тавьсан байсан. Уг нийтлэлд ШӨХТГ-ын газрын дарга Т.Аюурсайхан Монголын сууц өмчлөгчдийн холбооны дээд зөвлөлийг татан буулгана, эд хөрөнгийг нь битүүмжилнэ, бусдаас хууль бусаар татаж авсан 568.5 сая төгрөгийг шүүхийн шийдвэр гүйцэтгэх албаны шугамаар  албадан гаргуулахаар 2015 оны 2 дугаар сарын 18-нд хандсан” гэж бичсэн байлаа. Т.Аюурсайханаас өөрөөс нь асуухад шүүхэд хандсанаа хэлсэн. Гэхдээ Т.Аюурсайханы өөрийнх нь цахим хуудас дээр байгаа уг албан  бичигт нь болохоор бидэнд албан ёсоор гардуулж өгөөгүй шүүхийн захирамж байна лээ. Бид тэр шүүх хуралд нь оролцоогүй юм. Хэт нэг талыг барьсан шийдвэр байсан. Эвлэрлийн гэрээ хэвийн явж байхад татан буулгах тухай ярих ёсгүй. Бид энэ асуудлаар Дүүргийн иргэний хэргийн нэгдүгээр шүүх болон цагдаад хандаад байгаа. Хууль бусаар авсан гээд байгаа 568.5 сая төгрөгийн гарал үүсэл хаанаас гарсан юм. Бид үүнийг гайхаж байна. Үндэслэлгүй тоо. Үүний учрыг олохын тулд бид шүүхэд хандсан.  ШӨХТГ-ынхан энэ мөнгөн дүнгийнхээ учрыг шүүх дээр тайлбарлах биз. Энэ бол гүтгэлгийн чанартай зүйл гэдгийг л энд албан ёсоор хэлэхийг хүсч байна” гэлээ.

Б.Баяр

Эх сурвалж: Tumen.mn

Топ модель С.Ариунбилэгийн эротик өнгө аястай “Испани аялгуу”
Топ модель С.Ариунбилэгийн эротик өнгө аястай “Испани аялгуу”
 
“Иргэдээс урьдчилгаа авсан ч барилгаа ашиглалтад оруулдаггүй компаниудад хяналт тавина“
“Иргэдээс урьдчилгаа авсан ч барилгаа ашиглалтад оруулдаггүй компаниудад хяналт тавина“
Энэ мэдээ хуучирсан буюу 2015/03/12-нд нийтлэгдсэн мэдээ болно.