Нийслэлийн Засаг дарга Э.Бат-Үүлийн санаачилгаар Нийс­­лэлийн Засаг даргын Там­гын газар Улаанбаатар хотын ху­­далдааны танхимтай хамтран “Улаан­баатар хөрөнгө оруулалт-2015” бизнес чуулга уулзалтыг  “Улаан­баатар форум буюу Хөгж­лийн төлөө түншлэл” уриан дор өчиг­дөр зохион байгууллаа. 

Чуулганд УИХ, Засгийн газ­рын гишүүд, Нийслэлийн ИТХ-ын тө­лөөлөгчид, Нийслэлийн нут­гийн захиргааны байгууллагын удирд­­лага, Монгол Улсад суугаа Онц бөгөөд Бүрэн эрхт Элчин сайд, хувийн хэвшлийнхэн, биз­нес эрхлэгчид гэх мэт 1000 ор­чим  төлөөлөгч оролцсон юм. Фо­румыг нээж, НИТХ-ын дарга Д.Бат­тулга үг хэллээ. Тэрбээр “Улаан­баа­тар хотыг хөгжүүлэх 2020 оны тө­лөвлөгөө, 2030 оны чиг ханд­ла­га гэж байгаа. 

Энэ бодлого 2013 оны хоёрдугаар сард УИХ-аар батлагдсан. Энэ төлөвлөгөөг бү­рэн хэрэгжүүлнэ гэж үзвэл 25.4 их наяд төгрөг хэрэгтэй. Энэ бол 2013 оны тооцоогоор гарсан дүн. Одоо бараг энэ тоо 30-аад их наяд төг­рөг болж өөрчлөгдөх байх. Энэ ху­гацаанд нийслэлийн төсвөөс га­рах хөрөнгө оруулалт 1.2 их наяд төг­рөгөөс хэтрэх ёсгүй юм. Гэтэл бидэнд маш их буюу 25 их наяд төгрөг шаардлагатай. 

Тэгэхээр үүнийг яах ёстой вэ гэсэн асуудал тулгарч байна. Үүнийг шийдэж, хэ­рэгжүүлэх гарц нь хувийн хэвш­лийн оролцоо юм. Өөрөөр хэлбэл, биз­нес эрхлэгчдийн хөрөнгө оруу­лалтыг татъя, дэмжье, хам­таръя гэж байгаа юм. Бид ху­вийн хэвшилтэйгээ хамтарна, са­наа­чилгыг нь дэмжинэ гээд ярих   амархан. Хамгийн гол нь үүний­гээ яаж хэрэгжүүлэх вэ. Хэн нэгэн даргаас үл хамаарсан бүт­цийг яаж бий болгох вэ. 

Энэ асуу­дал форумын гол сэдэв болж буй юм. Хувийн хэвшлийг татан орол­­цуулснаар төсвийн гадуурх то­дорхой хэмжээний эх үүсвэрийг бий болгож чадна. Хоёрдугаарт, ху­вийн хэвшил өөрөө хэнээс ч илүү га­даа­дын хөрөнгө оруулалтыг тат­даг” гэдгийг форумын үеэр хэлж бай­лаа. Харин нийслэлийн Засаг дар­га Э.Бат-Үүл “Нийслэл хувийн хэв­шил­гүйгээр хөгжихгүй” сэд­вээр илтгэл тавьсан юм.   “Нийс­лэлд үйл ажиллагаа явуулдаг 67 томоохон компани нэгдэж Улаан­баатар хотын Худалдааны тан­химыг байгуулсан байна. Энэ бол нийс­лэл хотын хөгжилд чухал үүрэгтэй үйл явдал юм. Төр, хувийн хэвшлийн түншлэлийг хэрэгжүүлэхэд хувийн хэвшлийн тө­лөөлөл болж ажиллахад бэлэн зо­хион байгуулалт руу шилжсэн нь маш чухал. 

Нийслэл бүтээн бай­гуулалтын ажлаа хувийн хэвш­­лийнхэнтэй хамтран хэрэг­жүү­лэхээр харилцан санал солилцон, нэг ойлголтод хүрэх гэж байгаад таа­тай байна” гэдгийг онцолж бай­сан юм. Үүнээс гадна чуулганы үеэр нийслэлийн хөрөнгө оруу­лалтын хөтөлбөрүүдийн талаар Нийс­лэлийн хөрөнгө оруулалтын газрын дарга Л.Нарантуяа орол­цогчдод товч танилцуулга хийлээ. Нийслэл 2030 он хүртэл том, жижиг 142 төсөл, хөтөлбөр хэрэг­жүүлэхээр төлөвлөжээ. Зөвхөн энэ онд л гэхэд хэрэгжүүлж эхлэхээр төлөвлөсөн 37 төсөл, хөтөлбөр бай­гаа гэнэ. 

Энэ хүрээнд томоохон төс­лүүд болох Улаанбаатар хотын хөнгөн метро барих, амьтны хү­рээлэн, усан парк байгуулах, “Мон­гол наадам” цогцолбор, Туул, Сэлбийн хурдны зам ба­рих зэрэг бүтээн байгуулалтад ху­вийн хэвшлийнхнийг идэвхтэй орол­­­цохыг урьсан юм. Уг тө­сөл, хөтөлбөрүүийн нэг бүр нь дунд­жаар 500 орчим тэрбум төг­рөгийн хөрөнгө оруулалттай то­­моо­хон бүтээн байгуулалт бо­­лох аж. 

Тиймээс эдгээрт ху­вийн хэвшлийнхнийг идэвхтэй орол­­цо­хыг нийслэлийн Хөрөнгө оруу­­лалтын газрын дарга уриаллаа. Мөн энэ өдрийн чуул­ганы хүрээнд нийслэл болон Улаан­баа­тар хотын Худалдааны танхим “Хөгж­­лийн төлөө түншлэлийн тун­хаг” бичигт гарын үсэг зурлаа. Ин­гэснээр төр хувийн хэвшлийн түншлэлд тулгуурлан Улаанбаатар хотын бизнес, хөрөнгө оруулалтын таатай орчин бүхий эрүүл аюулгүй амьдрах нөхцөл бүрдсэн, байгальд ээл­­тэй, бүс нутгийн бизнес, сан­­хүү, аялал жуулчлалын төв ухаа­лаг, найрсаг, авлигагүй хот бол­гон хөг­жүүлэх юм байна. 
 
Хувийн хэвшлийнхэн хамтран ажиллахад бэлэн гэв
 
Харин “Улаанбаатар хотын ху­дал­дааны танхим”-ын ерөнхий за­хи­рал О.Амартүвшин форумын үеэр “Хувийн хэвшлийн санаа­чил­га” сэдвээр илтгэл тавилаа. Хот дэмжээд, баталгаа гаргаад, хамт­ран ажиллавал хувийн хэвшил то­моо­хон бүтээн байгуулалтуудыг хэ­рэг­жүүлэхэд бэлэн гэдгийг тэр­бээр онцолсон юм. 

Тухайлбал, нийс­лэлийн аялал жуулчлалыг хөг­жүүлэх чиглэлд Богд уулыг аялал жуулчлалын бүс болгож ашиг­лах, Туул голын дагуу дугуйн зам, автозам барьж, ногоон бай­гууламжийг хөгжүүлэх зэрэг төс­лийг танилцууллаа. Жишээ нь, Богд уулын оройд агаарын кабинаар эсвэл явган замаар гарах зэрэг аяллын маршрутыг бий болгох боломжтой гэж үзжээ. 

Мөн Туул голын дагуу дугуйн зам барьснаар голын эрэг дагуух аялал, жуулчлалыг хөгжүүлэх, хо­тын өнгө үзэмжийг сайжруулах санаа­чилгыг хувийн хэвшлийн байгууллагууд дэвшүүлээд байгаа аж. Үүнээс гадна Улаанбаатар хо­тын төв орчмын дэд бүтцийг сайж­руу­лах, томоохон барилга, бай­гуу­ламжуудыг холбосон агаарын гу­дамжийг байгуулах, ингэснээр хо­тын замын түгжрэл, ачааллыг буу­руулах зэрэг олон төсөл, хөтөл­бөр хувийн хэвшлийнхэнд бэлэн буй аж. Гагцхүү хот дэмжээд, ба­талгаа гаргаад, ойлголцож, хамт­ран ажиллах шаардлагатай бай­гаа гэдгийг Улаанбаатар хотын Ху­далдааны танхимын зүгээс онцолсон юм.